ياأرض حلوه وطيبه ؛
-------------------
يا أرض حلوه وطيبه
أنا كنت يوم بازرعك
ورد وسنابل
وأرويك ميه
من عيون الغلبانين
النهارده
بيزرعوا أرضك قنابل
وبيرووا زرعك دم وأنين ّ!!
كنت ورده ف يوم وتاج
وكنت مدنه فوق بيوتنا تنورى
وكنت غصن زتون وتين
وكانت حروفك
تنكتب بلون ترابك
وكان شبابك
كل يوم بيزيد شبابك
وكنت بسمه
فوق وشوش التعبانين
والنهارد بااسمعك بتئنى ليه ؟
شدِّى عزمك
كل شىء مقدور عليه
مهما جاروا ف يوم عليكِ
ومهما طال الغدر فيكِ
ومهما مات منك شهيد
هترجعى
بس أصبرى
وبعزم إبنك تقدرى
تقدرى تعيدى اللى راحْ
وتضمدى كل الجراحْ
ميهمكيش
إن مات من ولا دك الف واحد
لسه فيه ملايين تعيش