هنت عليكى ؟!!!
---------------
هُنْتْ عليكى
بعد م كانت ليكى كل صوابعى شموعْ
وتفارقينى
خلاص نسيتينى ؟!!
د انت مليتى عنيا شجن ودموعْ
كنت امبارح
أشوف ف عنيكى لهفه وشوق
وكنت اديكى اللقمه باايدى
وافضل اجوعْ
هُنتْ عليكى؟!!
د انا بااستنى ليلى نهارى
أتمنى رجــــوعْ
كُـــنْتْ بااشوف ف عنيكى الحب
وكنتِ تقولى سمارى ف لونك
ويوم قولتيلى حتى عيونى بحر غويط
لما تقابل مره عيونى عيونكْ
وكنتِ تقولى إنى بااريدك
ولما بااغيب تلفى دروب ونجوعْ
لكن هُنتْ عليكى !!
هنتْ عليكى تخللى حياتى عذابْ
وعتابْ
وشجنْ
ودموعْ
هُنْتْ عليكى