حمولى تقيله وغَبْرَهْ
ف دنيا ملهاش أَ مانى
وقلبى اتهد صبرُهْ
بعد اللى شفته وجانى
------------
طبيب الجرايح عالجنى
جروحى صبحت كتيره
وجرح ف قلبى تاعبنى
صاحى ونايم ف حيره
---------
حبيبى بناره كوانى
وغايب ماحد شافه
وعزولى باعنى وشرانى
وشايلنى فوق كتافهْ
--------
ياهم ليه رابط لى
وساكن لى فوق راسى
ووسط ناسى بتطلى
وساقينى بالمر كاسى
------------
ياما كنت زمان تروقلى
وف عزى كنت راضيلى
واليوم صبحت تغلى
ولاحتى ف منامى تجيلى
-----------
ياحظ ارجع كفايه
مهموم من يوم تاركنى
والحزن ساكن معايا
والهم ف نومى مشاركنى
----------
فردت قلوعى مفيش ريح
ورجعت ع الشط تانى
نايم على فراشى وطريح
ولا حد ف يوم أتانى
----------
وعجبى