غضبانه ؟؟!!!
من كلمة حب قلناها
ومن لمسة شوق بنيناها
ولحظة عشق لعنيكى
ولحظه فى الغرام حلوه
بقلوبنا انا وانت عشناها
يا غنوه حب أغنيها
ولحن جميل بيدندن
على أوتارى يحكيها
لكل الناس تعيش بيها
يا غضبانه
وانا قلبى فى الغرام تايه
وعقلى فى الهوى هيمان
ومش ندمان
على عشره بقالها زمان
ومحفوره برموشك هنا ف قلبى
ياغضبانه على حبى
أعاتبك والعتاب ليكى
هجرتينى
وشفت الدمعه ف عنيكى
وبعدك ليلى بيضلم
وعمرى مااقدر اتكلم
وقلبى يدوم ليكى ياغضبانه