.( مكـــــــتوب).
انكتب عليا يادنيا واية تانى لــــــسة مكتوب ..
مكتوب أعيش وحيد فيكى وعلى أمرى مغلوب..
وحياتى كلها هم والفرح فيكى مش محسوب ..
والاسم بس انـــسان انما فى الحياة مفقود..
كان نفسى احلم ولو مرة انى فيكى موجود ...

***************************

حتى لو كان الفرح ليا دين فى رقبتى ...
ولا هفضل ادوق بطرف لسانى يادوب حتة من سعادتى ..
حتى يادنيا فى لعبتك معايا عمرك ما أتغلبتى ...
خلاص يادنيا فهمت اللعبة فيكى .....
احترت ارضى نفـــــــسى ولا ارضيكى ...

*************************

عرفتينى انى مهما ارمى الزهر هيفضل يك...
وفهمتينى ان لو الباب اتفتح فى وشى يعنى اتسك ...
وعلمتينى انى مهما اشوف الحقيقة قدامى اكدبــها بالشك ...

***************************

حتى فى سكوتى اللى ليا قولتى علية مكر وجبان ..
وقولتى على كلامى عمرة ما يكون كلام انسان ....
وشبهتينى بصرخة ديب بيعوى ويتألم لانة جعان....
وسكنتينى فى وحدة خاينة وحكمتى عليا وانا اللى تخان ...
اسمعينى مرة واحدة يادنيا انا ضحيت كتير وعاوز التمن اضعاف ...
وبصراحة ومن كل قلبى هقولها يادنيا ومش هخاف ....

*************************

يالة نعيد اللعبة من تانى ...ما انا خلاص فهمت ووعيت ...
حالعب وهكشفلك ورقى ..علشان ماتقوليش انى خبيت ..
................وياراكب يادنيا يا مركوب .....
ياارجع بطل وتحلفى بيا ..يااضيع اســــير حروب ...
واللى انكتب ..انكتب يادنيا واية تانى لسة مكتوب...
صدقتك انة مكتوب عليا اعيش وحيد فيكى وعلى أمرى مغلوب ..
...بس العجيب اللى فيكى ..انة دا أمر ربنا ومكتوب ...

 

**************************

بقلم أ/(عبدالفتاح عزت )