ذكرى نصر أكتوبر
..............
شوف يا شباب اليوم 
من كام سنة مش يوم
كتب التاريخ ملحمة 
سطر حروفها بالدهب 
وبدم الشهيد إتكتب 
كلام فى التاريخ إتحفر 
ويدرسوه للبشر 
ويعلموه للقادة
فى كل بلاد الكون
عبر الرجال وبجد 
وكان عبورهم مجد
والكل واقف يشاهد
الحدث مبهور 
ذكرى العبور يتكتب
فيها كلام من نور
مصر الحبيبة على ولادها 
بتنادى.... ......
تعالوا ياولادى 
آن الأوان ناخد بتار 
أخواتكوا وأجدادكم 
آن الأوان ترجعوا ديارى
وتنطفى نارى
قال الشهيد......
يا بلادى أنا فداكى
روحى ودمى من شمسك وهواكى 
وعلشان ترابك يابلدى كلنا معاكى 
وبدأت الملحمة 
وكل واحد شال روحه على كفه
فتحوا نيران الغضب 
ولا أى شيئ همه
رعد ونيران فى السما تمطر 
والأرض كما البركان بتتفجر 
طيرانا عزف ملحمة
دك العدو فى الحال 
وجنودنا بتكتب 
على خدود الصخور موال
يا بلادى يابهية 
أنا العاشق 
أنا الغنوة 
أنا المواال
يا عروسة في الكوشة 
مهرك غالى عليا
لأجلك خدى عينيا 
خدى روحى 
دمى لأجلك ساال 
_ _ _ _ _ _ _ _ _
اليوم أنا رايح ....
وبكرة لولادى 
حبك فى قلبى إيمانى 
زادى وزوادى 
قلبى عليكى إتفطر 
من ال جرا ليكى
شكلك نسيتى ولادك
وهنت أنا عليكى
بقا الغريب له تمن 
يبيع ويشترى فيكى
وأنا إبنك المظلوم 
قلبى يبات مهموم 
من الشقا والتعب
فارق عيونى النوم
فين العزيمة يابلدى
قومى وشدى الحيل
ده إنتى بلاد العرب 
بعدك نهارهم ليل
يا أم التاريخ والهرم 
ياعظيمه ياقوية 
إنتى الأمان والأمل 
أمنك أمان ليا 
بقلمى/ سناء أبو النور