🌿🌿ظلمكم فاق الحد 🌿🌿
بقلم الشاعرة شيرين قزامل
🌿🌿🌿🌿🌿🌿🌿🌿🌿
منيش لعبة في ايد حد
ومفيش في حياتي غير الجد
ولا عمري يوم هخضع للظلم
ولا هنكسر دا انت اخرك عبد
ومنيش لعبه في ايد حد
لا انت رب هتقبض روحي
ومفيش طاعة بعد الرب
ان كنت فاكر نفسك فرعون
فرعون اهو راح
أظلم اتكبر عدي الحد
وفي اي نتيجه انت المسؤول
لا تلوم ولا تعتب يوم على حد
ومنيش لعبة في ايد حد
الصبر خلاص مبقاش موجود
حتى الود خلص من القلب
لكل حاجه في الاخر يوم
وبكرة يبان مين ظالم
ومين مظلوم وربك
راح يرد الحق
ومنيش لعبة في ايد حد
كل الناس عندي متسواش
من بعد كرامتي
اوعى تاخد كلامي ده هزار
قسما بربي ده جد الجد
ومنيش لعبة في ايد حد
قصص تتألف ورغي كتيير
مهما تقولوا مش هعبر حد
موتوا الطيبة خلاص جوايا
ومش هتلاقوا مني غير الصد
ولو باقي من عمري كتييير
راح تتأكدوا ان كلامي ده جد
وبقولها ليكم بعلو الصوت
الظلم معاكم فاق الحد
منيش لعبة في ايد حد
🌿🌿🌿🌿🌿🌿🌿🌿🌿
بقلم
شيرين قزامل (( مصر ))
2018 / 8 / 18
