بنادي حبيبتي
عشان الشوق اللى بيسري
وغرام و حنين لسه بيجري
يا غالية بقولك بحبك بحبك
من شُوقى اللى فيَّ
والنار اللى بيَّ
بنادي حبيبتي
يا وردة ف مدينتي
دا انتِ اللي ليَّ
والشوق بين ضلوعي ...
ماليني وحكايتي
وعاشق ل سيرتك
واشوفك بصورتك
ملامح في طيبتك
بشوفك سفينتي
بتبحر ف غيبتك
يا صاحية ف عروقي
وعمرك مانمتي
اميرتى وحبيبتى
يا ست البنات
حنانك ملكني
ب أحسن صفات
وبحلم ببكره
وكل الحاجات
ياطفلة وكبيرة
وشايفك اميرة
واغازل لطيفك
يحن لساعات
واحسك واشوفك
واتمتع بشهدك
من شوقي اللي فات
ولو يدبحنى صدك
ما اقول الآهات
واكون شهيد غرامك
حتى ان قالوا مات
تتقابل قلوبنا
نتقابل بشوقنا
نعيش الحب فينا
من شوقنا لساعات
يا ظالمة قلب حبك
بالماضى القديم
وحيرتك وشكك
من صنع اللئيم
اقسم لك يا غالية
لو تفتح ببانك
واتملى ف جمالك
فراقنا محال
***
جابر الأسد
