ليالى العمر ..
ليالى العمر معدوده .. تعالى  نلحقها قبل م تودعنا ..

دا الوقت بيعدى ف ثانيه .. و العمر بيسرقنا ..

و إحنا مشغولين بالدنيا .. و ناسيين الجنه ..

اللى فرشناها .. بالورد و الحنه ..

ليالى العمر ..

تعالى نقطف الورد .. قبل م يدبل و يصفر ..

تعالى نصحى الأمل .. قبل الليل م يشطر ..

تعالى نحقق حلمنا .. و إحنا ف بداية الطريق ..

تعالى نروى عطش القلوب .. بحبنا البريئ ..

ليالى العمر ..

تعالى م نضيعش الوقت .. و نسابق الزمن ..

و نلحق قطر العمر .. قبل م يفوتنا بزمن ..

م فضلش م العمر .. قد اللى راح ..

خلينا نفرح لو ليله .. و نودع الجراح ..

ليالى العمر ..

ليالى العمر اللى باقيه .. لسى ف إيدينا ..

ليه نخسرها .. بعد م راحت كل ليالينا ..

و اللى بيروح .. م بيرجعش تانى ..

عمرنا م نعوض .. زمانك و زمانى ..

ليالى العمر ..

بقلم الشاعر ..
محمد البربمى ..
 عضو رابطة المبدعين العرب ..