جوانا كهل عتيق
مبقاش شباب وكيوت
شارد فصمت غريق
زي السحاب بيفوت
جوانا كون مليان
مليان ضباب وحشود
معقود ف ليل غضبان
غضبان لأقصى حدود

ومعانا روح بتروح 
عند الحمام وتنُوح
للفجر لما ينام 
تشكى الألم وتبوح
تبكي بأمل مدبوح
تسكر مع الأيام

جوانا شوق ميال 
للغربة والترحال
دنيا ميزانها ما زال
بيغرب الأحباب
وبيخدع الألباب
وكلامها مهما اتقال
أصبح كلامها مجال
لو عيشت بالأدغال
عمر الكلام ما يموت
زي السحاب بيفوت

#بهاء_اللبودى