رسالة لجنابك 
يا قلبي يا شايل في حمل السنين 
تعبنا يا سيدي عليا اليمين 
بتضحك جنابك ولا عادش هامك 
يا دمك يا شيخ كفاية حنين 
قولي جنابك ايه اللي نابك 
بتعشق وتهوى وتوهب حياتك لناس غدارين 
وآخر المتمة بترجع حزين 
وتشكيلي همك وتحرق في دمك 
وتصعب عليا فتبكي العينين 
فأطبطب وأحايل وأقولك خلاص 
ما انتا اللي واقف في وش الرصاص 
وكام مرة أقولك بإنك بتعشق في عالم رخاص 
إشرب يا سيدي وكمل عذابك 
شايف جنابك 
ولا عادش يفرق معاهم بعادك 
غير بس جايب لراسي الصداع 
ما تفهم سعادتك كفاية انخداع 
جنابك معالي القلب العظيم 
فخور إني منك وربك عليم 
ولكن طيابتك مقابلة خداعهم 
لا يمكن هتقدر تغير طباعهم
لذلك جنابك طاوعني وبيعهم 
وسكر في بابك وراجع حسابك 
جايز جنابك تعيشلك يومين 
بقلمي ..#علي عفيفي