أستفتاء

البحر عد الصمت ف كلامى

لقاه أمواج

وقاس المد ف ملامحى

لقاه مجذوب

وريحة اليود مهيش باينه

والنوارس مختفيه

والشعاب مش مرجانيه

والقوارب ماشيه بالمقلوب

ودافنه شراعتها ف حضنه

ودافنه شرعتها ف حضنه

سألت الشط عن قارب يكون معدول

بيمشى عكس عقارب الساعه

ف وش الريح

ويجرى بسرعة عمرى عقده

سألت البوصله عن جغرافيا أحلامى

ما انيش موجود

شريط قلبى بيحسب دقته سالب

ما فيش موجب

يخلى البحر يتغير

وانا صغير

رميت ودعه موشوشها

ف حضن المالح أتعكر

ومين شرع ومين قرر

بأن الودعه لما كبرت

بتيجى ف دمى يتعكر

وانهارده قلقونا

فتح المزاد على مين يصوت

مين يقول البحر ميت

مين يقول قلبى اللى ميت

والنتيجه الاوليه

أنت 100 مليون غريق

فى بحر ميت