خواطر الشاعر محمود فرجالإعجاب بالصفحة

طبيب الحب

جويا كام دمعه
وضحكتين تايهين
والفرحة مش سامعه
اجري واشكي لمين
حكم الهوا غلاب
والعشق جنني
والجرح ليه قلاب
جويا بيئلمني
قلت الجراح بتلم
اتاريني مخدوع
وفي لحظه زاد الهم
ليه فرحي مش مشروع
زاد الوجع في الدم
بقي المرض موضوع
رحت لطبيب الحب
بكي علي حالي
طبطب كدا ع القلب
عشان يروق بالي
داوي جراح بجراح
وسقاني كاس الصبر
لقتني مش مرتاح 
بشرب كأنه مر
وبنظرة فيها سماح
قلي سنين هتمر
وتروق بقي وترتاح
والفرح يجي يسر
طبطب طبيب الحب
ورسملي قلوب سارحة
بس الزمن مارضيش
وبنظرته الجارحة
قلي سنين هتعيش
مستني يوم فرحة
ارضي بجرح القلب
واشكرا طبيب الحب
شكرا طبيب الحب

كلمات محمود فرج