بحبك ..
لو سنوا السكاكين و قطعونى مرتين .. أنا برضه بحبك ..

لو عملوا إيه فيا و لاموا الناس عليا .. أنا برضه بحبك ..

ما تفتكريش إنى .. بياع أو خداع ..

و بمثل عليكى الدور .. و لابس قناع ..

بحبك ..

دا يبقى نهايه عمرى .. لو أكدب ع الحلوين ..

أنا حبى ليكى صادق .. و قولتهالك مرتين ..

بس إنتى مش واخده بالك .. ولا حاسه بأى شئ ..

تمللى ظالمه قلبى .. ونا قلبى طاهر بريئ ..

بحبك ..

أشاور و أنده عليكى .. و إنتى تفكيرك بعيد ..

كأنى مش بحبك .. ولا بعرف أقول و أعيد ..

لا و ألف لا .. أنا سايبك تحلمى ..

وهيجى عليكى يوم .. تعترفى و تندمى ..

بحبك ..

أظن بعد اللى قلته .. مافيش كلام يتقال ..

و هتعملى فيها ناسيه .. و أرجع ألحن الموال ..

ونا ما صدقت خلصت منه .. و إرتاح الفؤاد

و اللى عندى قلتهولك .. و إنتى سايقه العناد

بحبك ..

بقلم أمير الشعراء ..
محمد البريمى ..