أغنيه بعنوان ..

لحد إمتى ..
أنا هصبر عليك لحد إمتى .. لما الصبر إشتكى و قال ..

هو مافيش غيرك إنت .. أنا مطول عليك البال ..

ما عنديش كلام أقولهولك .. غير منك لله ..

زى ما تعبت قلبى .. و جرحته فى هواه ..

لحد إمتى ..

كان إيه اللى ف ضميرك .. ونا ما أعرفوش ..

ياما كنت بتخدعنى بكلامك .. ما تغيروش ..

أنا قلبى مليان .. منك كتير ..

لا بيتكلم .. ولا بيشتكى للغير ..

لحد إمتى ..

الشكوه لغير لله مزله .. ونا ما بأشتكيش ..

مش ضعف منى أو خوف .. أنا صبرى ما ينتهيش ..

بكره تجرب نار عذابى .. و اللى جرى فيه ..

و أشوف فيك الندم .. و تعيش لياليه ..

لحد إمتى ..

و تطلب منى أسامحك .. ع اللى فات ..

ونا أقولك كفايه .. خدت إيه م السلامات ..

أنا صبرت عليك كام مره .. و أتحايل عليك ..

عشان تحن عليا .. بنظره من عنيك

لحد إمتى ..

خلاص مافبش محايله .. ولا بوس إيدين ..

دا عيونك هما .. اللى كدابين ..

لحد كده و كفايه .. مش مستاهله عتاب ..

و إن عابتك .. هيفيد بإيه العتاب ..

لحد إمتى ..

جي بعد إيه يا حبيبى .. تقولى سماح ..

و عايزنى أسامحك .. ع الهجر ولا الجراح ..

أنا مش ناسى اللى عملته .. فيا زمان ..

إزاى بعد دا كله .. أديلك أمان ..

لحد إمتى ..

بقلم .. أمير الشعراء ..
محمد البريمى ..