احلام الفتي الطائر 🏃
ولا احب عيشة البهرجا
ولا حلمي ابقي مهرجا
بطول حياتي واد بسيط
عبيط و خايب الرجا
احب عيشة الصعلقة
والفقر عزوة وانتكة
وقلبي زي قلوب بنات
بيفك نفسه ب البكا
غجري و اقرب للسفة
ليا عقيدة و فلسفة
مديش ولائي لظالمين
لو. راسي تحت المقصفة
فاجومي عاشق 100 مرا
وقلبي زي ليمان طرة
بيلم كل المغرمين
بحلم عبلة و عنترة
انا أيه و لية ول متي
ولامتي تايهة الخطي
انا طفل نونو صار عجوز
ونفسه تاني يعود فتي
انا طير بيسرق م السما
نجماية تشفي م العمي
وانا وسنيني و الحروف
شركا بنغزل ملحمة
#الشاعر_ابراهيم_دعبس
