احسبي كم المواجع
احسبي الايام في غشي
اتكلمي انا ليك سامع
وما تقفليش الباب في وشي
واوعي اشوف دمعة عيونك
او تحسبي
ان انت تاني هتصعبي
انا عشت ساكت كام سنه
مش كام سنه
انا انا عمري ما تكلمت يوم
انا عشت ليك بس احلم
كنت بتعذب في نومي
وكل املي صورتك تدوم
واما حس بأني هصحى
يتحقق الظن في حلمي
احسبي وبدون كفايه
هتصدقي انا فيا هم وفيا جرح
المه فيا مالوش نهايه
كله منك
كان نفس مره احس اني
يوم اهمك
وانا كنت ما عملتش حكايه
بس شايفك
شايفه دستورك وبس
مع انه دستور الجميع
انا زيي زيك ابن ٩
بس انت مالكه الحكم فيه
وعلى هواك تقلبي
مع اني عارف كل حاجه عايشه فيك
دنا حتى بسمع صوت سكونك
وعمري ضاع وانا بين اديك
وياما خيبتي ظنوني
مع إني فيك مش غبي
انا عمري منك ما قولت أه
مع انك جرحك اصعب ألم
وكنت بستنشق دواه
وانت كأنك م العدم
انا كنت ميت في الحياه
وحبي ليك كان مجرى دمي
بس انت ضيعتيني منك
مع انك انت لسه فيا
لو يوم سمعت كلمه عنك
اقول حبيبتي ونور عنيه
نفسي اشوفك
مره مني مستحيه
وتيجي فى جراحي تلمي
الشاعر بلبل عثمان
