دُكَّانْ الحُرُوُفْ خالد القصبجىالإعجاب بالصفحة
٤٩ دقيقة
..خرج من جوا إحساسي..
..بيصَرّخ بصوت مسموع..
..حبس في الحلق كلماتي..
..بان فى العين بقايا دموع..!!
..حسيت جوايّا شعور يرعب..
..كياني اتهز ما أستوعب..
..إزاي بمزاجى أعيش مخدوع..
..عشت الدنيا مآمن إنِّى..
..عايش عمرى لواحد مِنِّى..
..راضي اكون فى الضلمه شموع..
..دايما كنت بستنى..
..أسمع مِنُّه كلمة حب..
..طول الوقت بتمنى..
..أحس إنُّه بيحب بجد..!!
..في يوم سمعت انَّاتي..
..بتتوجّع ومن غير صوت..
..حبست فى قلبى آهاتي..
..فتحت الباب قلت له فوت..
..انا المسؤول انا الموجوع..
..خلاص امشى..
..امشى مش عايزك معايا..
..امشى بعيد عنى كفايه..
..ياما كتير احساسى عانَى..
..وماتعملش حساب لرجوع..
..كتمت في نفسي ماقدرتش..
..فات العمر راح يجرى..
..شاب الشعر مافهمتش..
..ياريتنى فهمت من بدرى..
!!..و محلمتش..!!
!!..اتاري الحلم شئ ممنوع..!!
خالد القصبجي
