هدية امى في عيدها
اني اكبر واسعدها
ولما تكبر اخد بايدها
هدية امي اكيد
اني ابقي سعيد
امشي اتنطط قدامها
ولما اكبر ابقي مفيد
هيا عاوزاني اكون طيار
او حتي ظابط فالجيش
ومابين طب وشرطه اختار
واغلي من بلدي عندي مافيش
هدية امي في عيدها
قمة سعادتها
نجحت تربيتها
واسمع كلمتها
اللي قالتها
هدية امي في عيدها
تتمني الصحه
لو علي صحتها
تتمنالي الرضا
لو قل راحتها
ازاي ارد جميلها
اني بالحسنه اعاملها
مش بس ايدها اقبلها
في كل حياتي افضلها
هدية امي في عيدها
ابعد عنها الشر
واقدم ليها البر
ياناس مذكوره فالقرآن 
ولما ياناس تكبر
اسهر بيها اسهر
زي ماسهرت بي زمان
ومستناش انها تشكر
ليها منا الرحمه
زي ماقال الرحمن
هدية امي في عيدها
ان احميها زي مايحمي الجندي الاوطان
وتقول ابني ياابني وشيد فالبنيان
واقف ليها سد يحميها من كل طوفان
هدية امي في عيدها
ضحكه او قطفة ورده من البستان
مش عايزه تشوف مني
ولا حتي تسمع عني
الا الخير في حياتي كمان وكمان
في حياتها
وبعم مماتها
عايشه معانا افراحنا وكل الاحزان
باسمع ندهتها
اجري ناحية صوتها
القيها بتهمسلي بكل حنان
احلفلك علي حاجه واناصادق فالحلفان
باشعر باغرب حاجه باحس بدفاها فاالاحضان
والله كنت باحس بانفاسها
سبحان الله اللي حبسها
بالراحه كدا وبلمسة ايديها
جسمي يقشعر من الحنان اللي فيها
صاحي والله وعنيه في عينيها
وتقولي ربي ولادك بجد
ولا تقولهمشي الا الصدق
د التربيه الحلوه حق
تنادي علي الولد يهتم
وييجي زيك يبوس اليد
عاده مابقاش يعملها حد
واسمع الكلام
احسه اوهام
احاول افوق
يمكن احلام
لكن اقسم بالله بجد
واما افوق شويه
اقول الست ديه
احلي هديه
حتي بعد ماماتت
الاحداث معايا عاشت
لولا ان انا اللي موديه
وباديه دول مسبل عنيها
وفاكر مين عزاني فيها
كنت زي النهرده في عيدها اهاديها
هدية امي في عيدها
اني اكبر واسعدها
تعرف لما تحس ان جايلي خير
الاقيها جايه بوش ابيض مدور كبير
هدية امي اني افرح ديما كتير
ولا تلزمهاش اي هديه
هدية امي في عيدها
كل الدنيا يادوب تبقالها هديه
بقلمي/
محمدحسنين
عاشق طين بلدي