من بين كل الكواكب
هل هلالك ياقمر
لا بتلوم ولا بتعاتب
اللى بيهوى السهر
كل عاشق لك يراقب
طلتك وقت الغروب
المتيم واللى هايم
واللى تايه ف الدروب
اللى مشتاق للى غايب
واللى قلبه دايب دوب
وأنت فاتح قلبك ليهم
لكل أهل الغرام
مهما كانت حكاويهم
نظرتك تشفى الآلام
بتنور سما قلوبهم
بالحنين تمحى الظلام
بالحب تضمد جراحهم
تزرع ف الوجدان سلام
بتجمع كل الأحبه
فى بساتين الهيام
( أسامه جديانه)
