أنا اتغيرت 
................
ما عُدْتش بشتكي
هجرك 
ومن عقلي خلاص
قررت 
أشيلك من حنين
قلبي 
وأقلع شتلك اللي
شتلت
وأمنع عنك المايَّه
وأحْرت في ضلامك
حرت 
ما دُمتي بتعملي
عميه وأنا اللي
ياما منك
شُفت
ما دُمتي بتنكري
وجعي
و بتقولي اني عمري
ماكنت 
وأنا اللي وقفت
على بابك
وأنا اللي بنيت 
محرابك
وأنا اللي بقلبي 
حبك شلت
بكتافي حملت الروح
في عز التلج 
وقمت حرست
وأنا اللي ياما 
ليكي سهرت 
بليل العاشقين حبيت
وياما غرت
انا المكبوت من قهري
انا المغلوب على أمري
انا اللي طِرت
واحلام الأمل جُوَّاي 
وأقول بُكره أكيد 
أهو جاي 
وبحلم يوم تضميني
أنا البردان فَ دفيني 
تعبت سنين من الغُربه
وياما سافرت
ودلوقتي بقيت متهوم
وشيلتيني كوم 
هموم
وبتقولي أني 
ياما ظلمت
انا الباغي...؟
انا الظالم..؟
أنا اللي قولتي عني 
جبان
انا اللي خُنت..؟
أنا اللي ف عز 
فرْح الخلق
بكون زعلان 
وانا اللي ف عز
وهج البرق
ف قلبي حُبك الدافي
أكيد أنا شِلت
حزين ف عز
فَرْحي عشت 
وحُزني بالحشا 
وسْكِتْ 
انا اللي العقل 
مني شَت 
تعبتيني سنين 
وايام 
وأيامي عذاب وآلام
ما شُفتِش مره منك
سِنْت 
وتدي الكدابين 
وِدْنِك
وتدي النصابين 
عينك 
وان اللي ف
عز شَبعِك 
جُعت
حقولك كلمه
م الآخر
أنا نفسي خلاص
زهقت
و بَعْلن ع الملأ إني
أنا اتغيرت
#حسن_حفني