أيام زمان ***بقلم خالد والى
كان يامـــــــا كـــــــــــان
فى زمن حـــــــلق حوش
اللى حصــــــل للنـــــاس
خلاهم مـــــــا ينــــسوش
حاكمــــــــهم المطــــــاع
الشيــــــــخ قراقـــــــوش
من بعـــــــــــده الحيــــاه
كلــــــــها فنـــــــــــكوش
قراقوش كـــــــــان حاكم
ملوش ف حـــــكمه مثيل
وقت ماكـــــــــان يخرج
يسبقه ميـــــــــــت عنتيل
مع انه كـــــــــــان طيب
وبالعدل دايــــــــما يميل
صحيح كـــــان ف زمنه
الشعــــــب كله فقـــــــير
والمـــــيت لازم يدفـــــع
تمن نومـــــــة العفــــــير
والحـــــى اذا عطــــــس
يرحمـــــه الله بدنــــــانير
بس الحـــــاكم الطـــــيب
بنالهم كوبــــــــرى خطير
الناس اللـــــى مش فاهمه
فيه انجــــــــــاز كـــــبير
مش لازم تشــوف بعينك
كفايه شـــــــــــايفه الكبير
المهم ادفــــــــــع واسكت
ماتقولـــــــش لاء للفواتير
كله فــــــى مصلحــــــتك
وكله فـــــى التقـــــــــرير
الواد ابنــــــى فــــــى يوم
جاى م العيشــــــــه بعانى
بيقول الحيـــــــاه صعبـــه
واللحمه بقــــــــــت أمانى
أخطى الخـــــــــطوه أدفع
واذا رجعــــــت أدفع تانى
انصحنـــــى يابويه وقولى
ايه اللــــــى اتعمل عشانى
ياواد بطــــــل تنــــــــــكر
وبلاش تنســـــى ف ثوانى
بيقولك عمــــــــــل طريق
والمصنـــــــع الفـــــــلانى
يابويه الـــــــــــــواد جعان
والتانى م المــرض بيعانى
والتعليم بقـــــــــــى بفلوس
ودا كله بالشـــــىء الفلانى
والرقاصـــــــه بقت مثاليه
والتافهه بتقييـــــم المثــالى
والدين مع شيـــــخ السلطه
يفصله علـى هوى الفلاتى
وجاى تقــــــــــولى طريق
ومش عـــــــارف ايه تانى
ياقراقوش اسمــــــع وافهم
أنا عن حالـى مش راضى
أنا مش قـــــــــــادر عليك
هرفع أمــــــــرك للقاضى
زى مارفعـــــــــــك علينا
قادر يحطـــك ف الواطى
***********
اكتب تعليقًا...
