قصيدة بعنوان......... صوتك ياصاحبى معانا

ياطير مفارق لعشك
ل الغربة رايح هناك
وإبقى إفتكرنا فى بالك
وإحنا قلوبنا معاك

بكره تعدى الليالى
وترجع لعشك تحابى
وتغزل خيوط المحبة
وترسم طريق الامانى

رغم البعاد هيرازينا
ويصعب علينا غيابك
لكن هنرضى بنصيبك
ونفرح ب لحظة سؤالك

صوتك ياصاحبى معانا
يونس طريقنا وسمانا
ف دنيا تملى تفرق
وأسهل ما فيها الإهانة

عمرى ماأعاتبك وألومك
لأن اللى بينا كبير
وفرحى ياصاحبى ف وجودك
وحاسس بنفس المصير

رميتنا الليالى فى غربه
وعايش فى بلدى غريب
وراضى وصابر ل بكره
وكله بحكم النصيب

ربك يجمع قلوبنا
ويصبح بعيدنا قريب
وننسى متاعب همومنا
ويضحك زمنا العجيب

كلمات الشاعر محمد ثروت