===(((وإيه يفيد)))======بقلم//أماني العطار
==================================

وإيه يفيد البكا..ع اللي مات
لا عاد ينفع لقا..
ولا هنعيد اللي فات..

ماباقي هنا في قلوبنا..
غير شوية ذكريات..

وذكرى بعد ذكرى..
زودت أهاااااات..
زادت بيها الدمعه....
ونزفت دمعات..
باقيه تجرح قلوبنا...
لحد الممات...

إرحمي نفسك ياعين وخفي دموعك
..قلبك عايش زين ....وكاسر ضلوعك.

وبقينا إحنا الإتنين...
ضحيه للهوجه...

وقلبي مع العاشقين...
راح راكب الموجه....

وساب لنفسه أنين...
ودمعه موجوده...

تبكي علي السنين...
بأيامه المحدوده

إرحمي نفسك شويه
وإعشقي وجودي

قلبي ضحي بيا
وكسر عنقودي

لا عاد حابب لي طرح
ولا عاد كاتبلي فرح
ولا عاد حاسس بنبض
يعيش مولودي

قطع حبلي السري
قال يادنيا...إتسري
عشقت زي الحبايب
وقالوا عليا دايب
مت جوه مني
بكل اللي حصلي

وليه أموت لوحدي
وليه أزود جرحي

أنا قولت بحبي هحبي
في العشق...كما المولود
لقيت عمري محدود
في الحب ..ماليش وجود
وكنت أول وأخر
طرح في العنقود

دبل معايا الفرح
ومات بعين حاسود
وبعد نزيف وجرح
طالبين مني مولود
إصحوا يا ناس شويه
رحمي مات مهدود