لِيكْ الحَـــــقْ تِتْنَاسِيــــنِي

لِيكْ الحَـــــقْ تِتْنَاسِيــــنِي ______ وْ مِنْ حَقِّي نَعْــرِفْ عْلاَشْ

قُــــولِيلِي شْبِينِكْ وْ بِيــنِي ______ سْنِينْ هَجْرِكْ مَا تُوفَاشْ

مَهْمَا قُـلْتِ مَا يْـعَزِّيِني ______ غِيرْ رْجُوعِكْ مَانـَـرْضَاشْ

لَا تْـضَيَّعِي شْـقَايَا وْسْنِينِي _____ حُبِّي لِيكِ مَا يَـخـْفـَاشْ

كِيفْ يْهُونْ عْلِيكِ وِدِّي؟_____وْكِيفْ تْكُونْ حْيَاتِكْ مِنْ بَعْدِي؟

خَلِّي المَاضِي بْكُلُّو يْعَدِّي _____ تـَلْـقِي حُضْنِي لِيكِ فْرَاشْ

بِـينِي وِبِينِكْ بَرْشَة كْلَامْ _____مْسَطَّرْ فِي صَفْحَة الأَّيّامْ

حْرَامْ عْلِيكْ تِمْحِي الغرَامْ ____ حَــتَـَّى كِلْمَة مَا نَـلْـقَاشْ

نْمِدْ يِدِّي لِيكِ بِمْحَبَّة _____ عِشْقِي لِيكْ مَا يِـتْخَـبَّى

لاَ تِبْنِي مْنِ الحَبَّة قُــبَّة _____مَا تْغَـيِّرْ ثُوبْهَا كَانْ لَحْنَاشْ