سي عمّار الكاط سون كاط ......قاطع علينا الانترنات
سي عمار هاهو جا .....جانا طاير عجاجة
لايعرف فرحة لا هنا......الليلة حذانا يحب يبات

جيت نكوناكتي .....قاللّي شبيكي تحرّكتي
لاتنسي كي تري ماركتي ....وحدك شدّي الفرانات

حلّيت الباج .....نفشلي ريشو كيف دجاج
يراقب في الجام وبرتاج ....ولاي زيماج متاع البنات

وين اندور.....نلقاه عامل دومي تور
يوقف يسكّت الموتور.....يشيخ عليّ بالسّاعات

لاحب يفهمني.....لايحاكيني لايكلّمني
لكن بعيونو تاهمني .....بين يديه كلّ المقصّات

آش يحب؟.....دوّخني شفت العجب
ركّبلي ستين عصب.....ولّى ظلّي ولاّ فات

عبدالسّتّار زرّوقي
القيروان
2012_5_31

الهاتف
21626485378+