ياجارح قلبي 

لو تعرف يابو قلب  قاسي

دار الدهر  غطا الشيب راسي

خليتني امشي ع العصا بتالي الشتي

والناس كلا    مو ناسي

لو تعرف صار القلب ختيار

بعدك ياحسره  دبلت الازهار

ليل الحزن عندي معد الو نهار

والمركب بمينا الاسى راسي

شو خبرو الحلوين عن حاالي

ضاع العمر حسرات ع الغالي

كان الوفا والحب رسمالي

وكنت نجوم مشعشعا بكاسي

لو تعرف شو اللي انطفا بروح

مااعمق جروحي الي مافي بعدها جروح

حتى الصخر يشبع بكي وينوح

ياجارح قلبي واحساسي

بقلمي.... زاهده امين