احس كارون ظامي ويطلب الماي......
شفت گلبه ایتفطر حیل عطشان........
گلت له اصبر واشربك ماي العيون.....
هم تخلص محنتك ليش زعلان.......؟
سور انصير الك بالروح نفداك...........
هاذا العطشك مرجوم شيطان..........
نطرده من الوطن بسيوف وارماح......
وخنيابك انعيده يجري فرحان.........
كارون ابغرورك فوت لتخاف.............
خليها الشواطي اتزيح الأحزان.........
كوم البس بدلتك واكشخ ابزود..........
شبابك بالدما اتحنوا وعرسان...........
علي اعناد اليضدك نبقي حراس........
نحميك ابدمانه شلون تنهان.........؟؟؟
انت اول نهر مذكور بالخير..........
بساتينك وصف تفاح؛رمان..............
نخلك مات وكفه ومايطخ راس.......
انهض لا تبالي الفشك والدان...........
سوها ملحمه و إهزمها الأعداء.......
بيت العنكبوت ابليه عمدان.............
يزول ابلحظه اذا نسم هوا الهاب........
وشواطيك حرب وتصيرميدان...........
هم تغسل اغبارك يوم ترتاح............
و ترجع ثايتك وتصير عنوان.........
**ابووحيدالأصبحي***
