العقل نور
................
أهل الوساوس والبدع
جدران في دور
والجهل لسه بيتولد
والعقل بور
شوفتوا اللي
دابح فرخيته
للشيخ عاشور
والتاني فرده جزمته
للجان سجور
وصاحبنا نادر معزيته
وحيفان بخور
والتاني بيبوس فالحديد
وضريح له عون
معقوله ميت ينصفك
ده العقل نور
والست دايره عالخلف
على كل دور
والتانيه بترضي فالحما
بشمع وبخور
وغيرها رابطه فرحها
بحجاب ظنون
وصاحبنا موهوم بالمرض
فالنوم يطول
قالوا له معمول لك عمل
على قرن تور
وشيخنا له سر باتع
ده بركه نور
اصحى .. يا نايم عالدجل
وعوديين بخور
وعروسه إتشكشيك قلبها
دبوس مرور
معقوله ضلام الشعوذه
والجهل نور
قول يارب انت السند
للكل عون
ومنك انت المدد
قل كن يكون
بقلم .. صبري رسلان
