وهم البطوله
..................
قالوللي ده
إنت الاسطوره
عملوللي ما
الوهم بطوله
قلب ميت
مالهوش زي
دراع لصاحبه ورجوله
عيشوني .. في دور عنتر
بسيفه يقفل ويسيطر
عودوني على
شرب الكيف
قوا قلبي
بسنجه وسيف
وشله شغليتها التصقيف
دي ناس ما ليها
إلا الظاهر
سجنوا فيا
ال مش ظاهر
انا قلبي طيب
جواه نضيف
بدلت صيفي
بشتاء وخريف
قالوللي صيتك
ده مسمع
وقلب صوان
لا يدمع
سجلت إسمي
بكام سابقه
وروحي تايهه
ومش فايقه
بقيت أشوف
الحاجه طشاش
وإيد تبلبع
سايقه طناش
ما لقيتش صنف
ما جربتوش
اسطورة جامد
ما يهموش
قدام صحابي
أنا متظبط
ورجول تزايق وتخبط
وعقل مهزوز متلخبط
كان نفسي مره
أدخل مسجد
واصلي وادعي
وأنا بسجد
إنت الهادي
يارب معين
توبه نصوحه
وليا تعين
ندمان يارب
وليك ببكي
وما الحلال
أضحي وأزكي
وعلى كل دار
هلف وهحكي
بقى عندي قلب
وعين تبكي
ولا عاد لي شله
ولا السبكي
بقلم .. صبري رسلان
