خاطره ( كم مهمل)
ياعروسه الماريونيت
منك أبداً ماأشتكيت
إزاى أشكى وأنا بحركك بالخيوط
حزنك يبان من إرتخائها
والفرحه تظهر وبسرعه
فى إهتزازها
ياما إنبهرت بيك وجوه
نست حزنها وفيك تتوه
مايعرفوش إنك منى
ومن إرتعاش إيدى المشاعر
ولو حتى بعيد ومش ظاهر
كثير مابينا الخيوط
تعبرأى زمن وأى شطوط
تحرك جواكِ المشاعر
ما أنت من غيرى كم مهمل
ياعروسه الماريونيت
بتقولى مهما أشكى ثانى راجع
طبعاً أكيد وإزاى تكونى لو نسيت
يا عروسه الماريونيت
أنت الجميله بلا مشاعر
ومعايا تحضر لما جيت
يا عروسه الماريونيت
إبتسامتك ..فرحتك ..جرحك
فى إرتعاشه من إيديا
من الخيوط الواصله مابينا
ياعروسه الماريونيت
أوعى تنسي أن جمالك
دلالك
بريقك ....كيانك
بيكمله بس وجودى
وإن بعدت أو نسيت
تبقى ثانى........... كم مهمل
يا............. عروسه الماريونيت
اسامه وادى