قلبي على بلادي

خايف عليكِ يا مصر من اللي قال و بيقول

من ناس عماها الطمع مفيش في راسها عقول

قلوبها زي الحجر و قرارها غير مسؤول

عايشه الحياة بلطجة بالعرض او بالطول

همج و ده طبعهم و ما عندهمش اصول

بايذاء وطنا الحبيب فكر مريض مشغول

عند مصايب الوطن مسرور يصول و يجول

لكنه وقت الشدايد يهرب لانه خمول

فاقد شجاعة الرجال بارد اوي و كسول

تسمع كلامه جميل تقول دا مش معقول

و تلاقي حرفه عجيب مسموم لكن معسول

يُنبيك بانه وضيع فكره عقيم مشلول

رخيص عليل و مريض ولا عنده اي حلول

وعقله مليان عفن و يفوق في وزنه الثور

خفاش يعيش في الظلام عمره ما يعرف نور

مشغول بضرر العباد و قلبه كله شرور

رافع شعار الفضيلة و يلف بيك و يدور

يخطب ما بين الخلايق و جميع كلامه زور

كذاب في ثوب التقى و الحجة ال معذور

لابس عباءة الدين معجب اوي و مغرور

بايع جميع المبادئ و بيحلم بعين الحور

يرضى الهوان والدنية و لا يوم لدينه يثور

ذليل مهان مطرود و لا مرة كان منصور

الافضل انه يفارقنا و يترك وطنا و يغور

من كلمات الشاعر المصري / محمد العراقي

في 9 / 11 / 2015 م