تامر النقيب

كل الشكر والاحترام لك شاعرنا الغالي لدعمكم الراقي ووسامكم التى توج حرفي . . تحياتى ومحبتى

ايمن البلاط

لو اتحدت الأيادى هفضل ثابت فى مكانى لو افترقنا نموت وبلغ الدنيا سلامى تسلملى استاذى الكبير استاذ تامر على ىراسى استاذنا مليون تحيه واحترام

تامر النقيب

ياللي الجمال طبعك
والحسن والاخلاق
اصل الكرم نبعك
والحب فيك ترياق

بارك الله لنا فيك شاعرنا الغالي وسلمك الله من كل شر وسوء ولاعدمناك واطال الله لنا بقائك
صباح النقاء والقلوب الطاهرة

ايمن البلاط

الجمال عمره مكان شكل ولون
الجمال طبع وتطبع
وقلب طيب وحنون
وانت ملك الكلمه والجمال والذوق
مليون تحيه وسلام واحترام
شاعرنا العملاق
استاذنا الكبير تامر النقيب
اسعد الله صباحك بكل حب

تامر النقيب

سلام عليك ولقلبك السلام
ياعذب الحروف وراقي الكلام
سلام عليك سلام علينا
ياقلب حنون رفيع المقام

صباح الفرح لقلبك شاعرنا الغالي

ايمن البلاط

سلامك وصلنى
على العين والراس
بعتلك سلام ومعاه
عيونى عليك حراس
يحميك ربى من العين
ياملك الذوق والأخلاص
صباحك مسك وعنبر استاذى الكبير
استاذ تامر النقيب

تامر النقيب

سيجالك شغلني
وخايف لا تزعل
واخدك لوحدى
وتعطل بشغلك
فقولي الحقيقه
اكمل واقولك
حقيقي صباحك
كبعضك وكلك
في رب الخلايق
بربي بحبك

صباح النرجس استاذي الحبيب

ايمن البلاط

سيجالك معايا شرف كبير
اتعلم منك واسبح واسير
فى كل دروب وكل بحور
واتعلم كل الأمور
لا شغل يبعدنى عنك
ولا عندى اغلى منك
انت فى القلب
مكانك كبير
ربى لا يحرمنى منك ابدا
ملك الكلمه
صباح الورد والياسمين

تامر النقيب

ماتيجى هنحكى في ظلم العباد
وعرب وعروبه وموت الولاد
وحكام وباعوا وخانوا وضاعوا
وسابوا القضيه وباعوا البلاد

ايمن البلاط

نحكى ومالوا ليه منحكيش
عرب جرب وفاء مفيش
باعوا بلادنا برغيف عيش
والكبير منهم والله مايساويش
لينا رب كبير
وغيره مفيش

تامر النقيب

شفت الحرب علي اﻷسلام
قالوا ارهاب ولا في الاحلام
سجنوا وحرقوا وسجنوا
وبنات أغتصبت ياسلام

تامر النقيب

حكام زى نعام الرمل
اكبر مافيهم بقي ثمل
حاجه تخلي العقل يطير
تملي قلوبنا بكل الغل

ايمن البلاط

شفت بعينى وسمعت بودنى
ابن الدره كأنه ابنى
لما اغتلوه من حضن ابوه
ببرائته وطهارته مهان عليهم يسبوه
وبنات تغتصب فى كل مكان
انتفضوا ياعرب انصروا الأسلام

ايمن البلاط

نعام راسه فى الرمل مدفوس
لعمره يتألم وكلامى ليك بالمحسوس
دول شويت بقر وجاموس
لاعمرنا سمعنا عنهم ولا ف اى قاموس

تامر النقيب

ﻷ دة كمان اﻷنيل وأنيل
قافلوا مساجد قالوا بموعد
خطابات وكلام بقي ع الفاضي
يخلف كل كلام لو يوعد
أطفال بتموت من غير ذنب
علشان تسكت تحزن تندب
واﻷرض بدماها بتصرخ
مبقتش بتعرف يوم تسعد

Om Hoda

لو حاكولي عمرك شفت
الشمس والقمر مجتمعين
هقول بكل يقين ايوة .بعنيه اﻻتنين
عمالقه ي ناس ف السجال مبدعين
تسلموا يارب انتوا اﻻتنين ويحرصكم
رب العرش من العين تحيااااايتي
.........لحرفكم الرااااقي

ايمن البلاط

الأرض بتصرخ من بشر تعبان
حكامه ظلموه بقالو زمان
لكن الأمل موجود فى قلوب كل الولاد
ان التغير جى مهما طال الزمان
ولكل كلب فيهم يوم
اللهم لاشماته ولا لوم

ايمن البلاط

تسلميلى يا ارق الناس
قلبى وعيونى عليكى حراس
تكتمل الجلسه الحلوه بيكى
بدعى ربى من العين يحميكى
تحياتى استاذتنا الكبيره

Om Hoda

شرفتى ونورتى

تامر النقيبOm Hoda
الشعر زى الشيطان
من نومى صحاني
بس عشان فكره
وخدنى ودانى
عند السطور والورق
فيهم أنا آلاقني

تامر النقيب

زمان لامونى وقولت عادى
لما قولت شكرا بلادى
ياللى موتنا فيكى عادى
والسجون تبقي مصيري
لو بقدم اعتراضي
والامان راح الامان
قال وتسلم اﻵيادي

ايمن البلاط

اللوم على مين ولا مين
على اللى يحب بلاده
ويكون عليها امين
ولا على خونه بعوها
واشتروا الكراسى
بقالهم من العمر سنين
لسجون تخرسنا
ولاحكام يهمونا
احنا ولاد احرار على ارض صلبه وقفين

Om Hoda

والله كل اللي جري واللي كان
محيرني مجنني ليه الزل ليه الهوان
هوكتابنا ينصرنا من فوق سبع سموات
واحنا نز. ل أنفسنا طب ليه ي انسان
دا رب العرش كرمك وحباك والروح بإيد اللي خالقها اقف وقول كلمه
حق مهما كلفك الحق انت اللي كسبان

ايمن البلاط

كل اللى جرى واللى كان
ترفضه جميع الأديان
لكن في نوعيه رخيصه وخسيسه
تنتشر زى الجراد فى كل مكان
احنا اللى بنظلم نفسنا
بسكوتنا وقطع اللسان
فين الحق فين ومين ينطق بيه
فى زمان عجيب وناس اشكال على كل لون
باعت بلادها ودينها
بحفنه من الأموال

تامر النقيب

ارفعوا ايدكم بعزة وكله يسمع
للخاين واللي بايع يا بلد . . سلام مربع
واللي جوايا حبسنى
واللي بالرخيص دة باعنى
واللى سارق منى حلمي
وعمرى راح مش راضي يرجع . . فسلام مربع

ايمن البلاط

سلام مربع ومكتف ايده
اللى اتسرق منا زمان
لأزم بأدينا نعيده
لايهود ولا صهاينه نخشاهم
بس نطهر انفسنا ونتحد
ونصبح زى الدم فى وريده
غير كدا قول علينا السلام
سلام مربع ومكتف ايده

تامر النقيب

انا مش هخاف
تروح قلوبنا الطيبه
ويبدلوها قلوب عجاف
ومش هخاف
لو اتسحل يتملي قلبي بجفاف
برضو هقول الحق فيكي يابلادى
انا اصلي موجوع اوى
من كعب رجلي للكتاف
والحق لازم ينتصر
ونرجع السبع السمان
ويرحلوا كل العجاف

ايمن البلاط

انا مش بخاف انا مش بخاف
عملنا الطيب قلبوا علينا
وفكرونا اننا ضعاف

والحق لازم انطق بيه
مهما يسود الظلم عليه
لبد من يوم انصاف

والوجع لبد يزول
والألم بمرهم ويازول
ويرجع زمان الأشراف

انا وطنى شريف
وقلبى نضيف
على بلادى بخاف

انا مش بخاف انا مش بخاف

تامر النقيب

خلي سلاحك قلم وأكتب كمان للحق
وارفع دموع الندم خليك قوى وبصدق
قول للي ظالم غور قول للى خاين ﻷ

ايمن البلاط

سلاحى قلم مكسور
وقلبى مجروح مقهور
نفسى ولو مره اثور
واكتب اللى جوايا
ولو يقولوا كمان مغرور
واعيش زى الطيور
مكنش بالقيود مجبور