بيع يا قلبي

بعتني و نسيت يا قاسي

و قضيت على الامنيات ؟!

كنت راضية معاك و صابرة

كان بيكفيني الفتات

الف ميت مليون سلامة

يا اللي دمرت الحياة

مش انا اول ضحية

و لا انا اخر البنات

بكرة تبكي عنيك عليّه

بكرة تندم على اللي فات

بكرة يا ما تشوف في بعدي

بكرة تصرخ من الاهات

بكرة تترجاني اعودلك

بكرة تنده بالساعات

بكرة يتحرك فؤادك

بكرة ينتحر السوكات

بس يا خسارة الكلام

وقته يبقى الحب مات

تبقى ايامنا الجميلة

دي مجرد ذكريات

يسهر العشاق عليها

يكتبوها في حكايات

تعجب الالحان موزع

تبقى اروع اغنيات

يرقص العاشق معاها

في جميل الامسيات

مش مهم مين ضحية

و لا ايه المشكلات

المهم ان السعادة

فيها دايما تضحيات

بقلم الشاعر المصري

محــــمد العــــــراقي

في 9 / 10 / 2015 م