عمرنا مانفترق
شاعر الغلابه
ايمن البلاط
مهما تاهت خطاوينا
مهما كترت حكاوينا
عمرنا مانفترق
مرت علينا السنين
شوفنا فيها كتير وكتير
وقلبنا ياما اتحرق
ياما كتبنا شكاوينا
م الزمن اللى كاوينا
وملينا بيه الورق
كان نفسنا نحس بأمان
و نجرب مره الحنان
فى عمرنا اللى اتسرق
لو اتكتب علينا الفراق
وفاضت بينا الأشواق
للصعاب راح نخترق
لكن دايما فى امل
مهما يقسى علينا الزمن
تجمعنا فى يوم الطرق
مهما تاهت خطاوينا
مهما كترت حكاوينا
عمرنا مانفترق
عمرنا مانفترق
شاعر الغلابه
ايمن البلاط
ساحة النقاش