=====افعال بنى صهيون=====
مات الطفل 
بين ايديا 
وهو بيقول لعبتى 
عبنى ما شفتش
غير عيونه
لحظة مانزلت دمعتى 
كأن الملايكة
عاملين حجاب 
عن الامه
وتشعر كانه فى ملاهى 
من كلامه
مع انه كان جسمه الطرى
خلاص اتقسم 
بدانة غدر 
من صهيونى واهل الغشم 
كانت عيونه بتتقفل 
واحدة واحدة 
وهمس حرفه يدوب يردد 
ماما ماما 
بصعوبة قالها وبراته غمض عنيه
والى خلى العقل طار 
انه كان بيبتسم والله ياما 
ما اعرفش ليه 
ياترى شايف جنة الخالدين 
ولا بتلاعبه الملايكة 
واحنا بس مش شايفين 
ولا شايف جلادين فى انتظار 
بنى صهيون 
وعلى ايديهم اكيد 
رافعين جرايمهم من كل للون 
وفى عنيهم نظرة ندم 
بس خلاص شاف الصبى 
ان الندم مش راح يبدل الى كان 
ومافيش سماح من دم اطفال 
كانوا اولى بالامان 
وغاب عن الدنيا 
الى اصبح الطفل فيها 
هو الى يسدد فاتورة الازمان 
وغابت معاه احلام كتيرة
بلعبة تانية كان لسة بابا 
يادوب مواعده بها من ثانية
مات الطفل بين ايديا 
وهو بيقول لعبتى 
=====رمضان على=====