غرفه المكياج
بقلم تامر النقيب
"""""""""""""""""""
وكان الحلم متفسر
صحيت م النوم
وقولت لحلمى راح أسطر
بدايه الحلم كان فرحه
خدتنى غرفه المكياج
وكات قدامى تتمخطر
وادام المرايا بدت
تحط روج لونه أحمر
ولابسه روب جميل جدا
وكان شفاف خطير يسحر
قالتلى وهى تتبسم
وانا واقف مابتكلم
ببص بس بعيونى
بشوفها زى نور الفجر
قالتلى انت ياحبيبى
مرايتى بس ماتفكر
بتتفنن وبالالوان وتسألنى
عن الكحله بعيونها السمر
ورفعت ليا حواجبها
قالت رأيك حبيب العمر
فقولت جميله ياعمرى
حواجب كالهلال والبدر
وسالتنى على رموشها
ولما تضحك عيونها
ولما عليا تدلع وتتغندر
وفردت شعرها بكتفى
ومن تنهيده قولت الصبر
جمالها والله مالو وصف
ومالهاش زى
دى تفتن كل من شافها
ويسكر منها طول العمر
شفايفها نبيذ وخمر
عيونها بتحكى وتلاغى
ومن بصه انا أتخدر
وشعر جميل بلون الليل
طويل ناعم وشكله يسر
ولما تهز خلخالها
أكون واقف ومتحير
لكن ياخسارة بس صحيت
لقيت نفسى لوحدى بقيت
وقومت حقيقى متأثر
فضلت انادى فين أنتى
ومين كنتى وفين روحتى
سمعت منادى بينادى
انا جتلك عشان عشقاك
وبشتاقلك وانا وياك
ونادينى دة انا سمعاك
هجيلك تانى لوحتى
بقاع البحر
دة انا منك ولعيونك
وانا اللى دايبه بجنونك
وانا شكلك وانا لونك
وهفضل عمرى طول عمرى
هكون حلمك واكون الستر
تامر النقيب من مؤلفاتى وليس منقولا