يللى قلبك مش فاكرنى / أغنيه
ــــــــــــــــــــــــــــــــــــــــــــــــــــــــ
يللى قلبك مش فاكرنى
غير يا دوب بعض الثوانى
حِن ليّا وخد عينيا
وان نسيت إرجع لى تانى
لِف كل الدنيا ديّا
مش هتلقى حبيب بدالى
نفسى قبل ما ترضى بيّا
تبقى صوره من خيالى
أصل قلبى له عوايد
مش بيرضى بأى حد
لازم يبقى الحب زايد
يعنى ماليش لحبيبى ند
لو هتقدر تدّى قلبى
كل فكره من خيالك
لو هتبقى كل نبضه
تيجى منك تحكى حالك
يبقى إرجع وانسى عِندك
وابقى وحدى كل بالك ،،،،،،،
بقلم الشاعر / إبراهيم فهمى المحامى
26/5/2015