دموع القمر

‏‏

دموع القمر
ياما فيه اوجاع بتسكن جوه قلوب البشر
ولا فيه شئ بيسكن المها غير نظرة لضي القمر
نشتكي لنوره الهادي
وتلمع العيون وتنادي
بصوت دموعها القمر
نبكي ونحكي ونشكي
ولا حد منا داري بدموع القمر
مهو ياما عاشق بكي في نوره وسِهر
وياما كنت شاهد علي دموعنا يا قمر
لكن ولا حد منا حس بدموع القمر
يا قمر يا سهران تواسي كل مجروح
مين بيواسيك لما تزيد عليك الجروح
ولا خلاص بقي مكتوب عليك السهر
ولا فيش مخلوق بيشوف دموع القمر
ياقمر يا شريك كل عاشق محروم
مين بيخفف عنك كتر الهموم
ولا خلاص عرفت طبع البشر
بيرموا عليك كل الاحزان يا قمر
وانت بكل رقة مانع عنا دموع القمر
أنا يقمر عاشق بحبك وبحب نورك
وزي ما انت ما بتحس بشعوري انا حاسس شعورك
حاسس بكل همومك واللي متخبي من دموعك
واللي متداري عن كل البشر
إن ارق دموع دموع القمر