قصيدة الدنيا مولد
==========
الدنيا مولد ومتاهة والناس فى عجلة وجواها
تدور تلف سنين وسنين فى كون وصاحبه قدير وعظيم
وكله ماشى فى اتجاهات ومصالحه بتهمه بالذات
اللى يدور على عيشه واللى بظلمه نافش ريشه
فنون ودين وبرضه سياسة مهن حرف واكل بغاشة
تعليم وصحة ورياضة سياحة واثار وثقافة
اللى يدور على اسكان وغيره عنده اشكال والوان
واللى بيدى ولاده دروس ومدرسين تقبض وتدوس
واللى فقير وكمان عيان دكتور يطلع روحه قوام
وشباب يدور على اشغال لازم له واسطة فى اى مكان
وبنات تدور على عرسان عالنت او من ايها دكان
وسياسة مكر وقتل كمان وارهاب يفجر كل مكان
وميلاد حياة ده فى كل اوان وناس تموت تصبح نسيان
وناس يقولوا مش فاهمين طب ليه نموت واحنا عايشين
اخرتها حفرة فى ارض وطين وكلنا جمعا رايحين
لكن اللى فاضل هو الدين وعمل يدوم ينفع ويفيد
يرحمنا بيه رب العالمين ويكون شفيعنا فى يوم الدين
دى الدنيا مولد ومتاهة والناس فى عجلة جواها
تدور تلف سنين وسنين فى كون وصاحبه قدير وعظيم .
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون