وقالو حبيبك السعادي
بنالك فى الهوى برج
.........قلت عادي
وقالوا حبيبك رسم قلبه مملكة
وانت الملك
قلت فعلا أمتلك
وقالوا كتير ..
وسمعت كتير عن اللى قالوه
بس اللى نسيوه انى فى الهوى انسان
انى بشر
بعيش الامل وكأنى ملكت القدر
يمكن حقى أعيش الأمانى
يمكن حقى أعيش معاك سلطان زمانى
بس اللى ميعرفهوش بشر
انى عشقت القمر
أعتذر
حبيبتي... حور من جنة ربنا
وكل حورية وليها تمن
قدمت قلبى وروحى وعمرى
بمقياس عمر الزمن
بس يا ترى؟
ممكن بعمرى أرى
ملاك وبشر
وروحين جمعهم رب القدر
عصفور وعشق فراشة
بتدلل فى حضن الزهر
قلب بن ادم عشق فى أعالى السما نور
جسد من الارض يعشق فى جنة ربنا حور
بسأل حبيبى
يكفيك للرضا تمن ؟روحى وما أمتلك
بس العجيبة كل ما أمتلك قلب القمر
وقلب القمر ملكى أنا ..؛؛؛؟؟
ولا انا للقمر مملوك؟؟؟؟؟
وكيف أوهب ما أمتلك
وأنا اللى ليه مملوك
أنا املك كل شىء فى الهوى
إلا حبها
مش حب عادى
خالد العطار