#‏إنتبهوا‬ ياسادة #
موضوع مهم للغاية
معموله ضجة وقضية
والمسألة مش محتاجة
من غير ﻻ ثورة وﻻ إثارة
من غير تعصب وﻻ تجريح
خلينا واقعيين أكتر
بحوار مناقشة أوإقناع
محتاجة تحليل أو تعليل
ﻷمر واقع عيشينه
بتحكمنا فيه عادة وتقاليد
لو يوم دق عليك بابك
فتحت وﻻقيت شاب ظريف
فى الشكل والمظهر والذوق
وتعليمه عالى ومثالى
عرفت إنه طالب إيد بنتك
رحبت من أول وهلة
ولما سألت واستفسرت
عن أهله وإخواته ووالده
ووالده ده كان عامل وبيسط
عامل نظافةأو كان ساعى
أو أى شغلة يومية
وطبعا مفاجأة مش عالبال
تسرح وتغرق فى التفكير
وتعيش طول الوقت فى حيرة
والبنت هيكون إيه مصيرها
هتكون سعيدة ومرتاحة
وﻻ هترجع تندم يوم
ولما ربنا يرزقها
بالخلفة وتكون فيها أوﻻد
تكبر ويلتحقوا بجامعات
حربية أو شرطة وطيران
وجرت اﻷعراف والقوانين
لبحث ولسيرة ذاتية
ولوصف توظيفى ومتابعة
عاﻷهل للدرجة الرابعة
وطبعا حضراتكم فاهمين
إن النتيجة مش لصالحهم
ياسادة ده واقع ملموس
ومستحيل نهرب منه
أفكار ومفروضة علينا
وجدودنا حفروها فينا
قبل القانون في فروع وأصول
وصعب تتنازل عنها
والمجتمع شرقى وعارفه
ﻻهيسكت وحتى هيعدي
وﻻ تسلم م القيل و القال
كﻻمي قولته بشكل صريح
مش سخرية م الناس البسطاء
أنا كل هدفي أثير موضوع
محتاجة فيه رأي وشعبية
من غيرتعصب وﻻتجريح
ياصحابي دى مناقشة عادية
والمجتمع والرأى العام
عملوها ضجة وقضية
أنتبهوا ياسادة
بقلمي"فيفي صيام"