=== حروف العرب==========
ا ب ت ث ج ح خ
د ذ ر ز س ش
ص ض ط ظ
ع غ ف ق ك
ل م ن ه و ي
ا0 الله يرحم زمان
وايامه
المصرى كان بسيط
ما يبصش لاقدامه
ب0بصوا تحت رجليهم
فاكرين الزمان هيدوم
ت0تعبنا كتير قوى وهما
عليهم اللوم
ث0ثقلت علينا الهموم
والدنيا ما عندانا
ج0جمل وشايل حمول
وعادانا خلق الكون
يبعونابالرخيص ولودهم بنصون
ح0 حمير بس تاكل تبن مع برسيم
وان يوم حطولها فول يبقى
نهاية الكون
خ0خاوية بطونا والله وخلاص
مش قادرين على ربط الحزام
الى بقاله سنين
ونفسنا نكون فى يوم على
فك الحزام قادرين
د0دا هم كبير تركوه لعيالنا اجدادنا
لو كانو فى يوم فهموه
ما كانوا الغرب اسيادنا
ذ0ذادت علينا الكوارس طبيعية ومصنوعة
وكلاب بقت فوارس وقلوبنا والله موجوعة
ر0رمضان يهل علينا يلاقينا مكسورين
لا فى خزين فى بيوتنا ولا على الحياة قادرين
ز0زاروا ساويرس وعز لاجل
يزيدوهم مال ياعينى ظروفهم صعبة
ودفعوا كام مليار
واحنا عطفوا علينا وادونا الف عيار
س0سمعوا جدودنا كلامهم ويسقفوا موافقين
لما خلوا حياتنا سودا زى الطين
ش0شيل حمول غيرك واسكت اكتم وماتنطقش
احسن يحطوك فى راسهم
وتشوف الى ما ينطقش
ص0صابر على ورثى ما اجدادى سابهولى
والى زهق من الصبر ورثه يسبهولى
ض0ضمير العالم صحى فجاءة اصله كان نايم
وجابولنا طبق كبير مليان ديمقراطية
رجعت انا الطبق وطلبت ملوخية
وقلت ادوق البلدى واحلى بالغريى
لقيت البلدى كله ملعوب فيه بالعربى
ط0طيب انا موافق على الى انتو قدمتوه
ولو لقيته حامض تيجوا هنا تاخدوه؟
ظ0ظلم فى ظلم وغش فى غش
خداع فى خداع
بس كفاية كل الناس قاعدة بتصرخ من الاوجاع
دا عنده فيرس ودا سرطان ودا عميان
ومسير النور بكرة يبان
ع0عايزين يا شعب تشوفوا الخير قدامكوا
وتحلوا الحزام وتعيشوا
اهتموا شوية بقى بالصحة وعلامكوا
غ0غاوى مصايب انا؟هو انتوا فاكرين ايه
بس بشوف الناس فى حال ياعينى عليه
ف0فاكرين زمان لما الصغير كان بيحترم الكبير
وكان الكبير عارف انه لازم يكون عطوف
على الى جنبه صغير
دلوقتى خلاص بقى لا عطف ولا احترام
والقصة بقت فلوس وبتملك ايه وبكام
ق0قامت الدنيا وماقعدتش من يومها لما كلب
الملك شد الملكة من هدومها
دلوقتى كل الكلاب
بتنتش فى لحم غالى وتقطعه
ولو تشوف كلب وتروح تمنعه
تندم ندم عمرك
يضيع ومش ممكن ترجعه
ك0كاتب فى بطاقته رجل اعمال
يعنى فى جمع المال شغال
تقول حرام تقول حلال تقول فهلوى تقول دجال
هو فى جمع المال شغال
ل0لامونى الى غاروا منى
الله على طربك يا ابو شناق
انت كتير شناق
بس ماهم ماليين الشوارع والحوارى
منهم الى الدنيا ظلمتها
ومنهم الى يحلفوا على البخارى
م0مرادى وكل املى اشوف الشعب كتير كويس
احسن من شعوب كتير بتتمرمغ فى خير ونعيم
مرة بفضل الطبيعة ومرة بالمشاريع
ولو شعبنا فى يوم هيس يبقى السبب
من المفاحبع
ن0 نكون او لا نكون تلك هى القصة
نتقرب الى الخالق ليزيح عنا الهموم والغصة
ه0هم ارادو لنا الحياة هكذا لكننا ناءبى ولنا راىء
وان منعوا عنا المياه فلن يغير فى راينا شىء
و0واو ياهل الطرب هو الطرب جراله ايه
مين الى نفسه فيها وهى نفسها فى التانى
وشفتوا الى بتشد الخروف وتطلع معاه على الروف
علشان تحط النقط فوق الحروف
وشفتوا الست سما بتعمل ايه باصبعها
وشفتوا الى حزينة علشان سريرها فاضى
والفاضى يعمل قاضى بس القضاه كويسين
ى 0يارب ياعلم الاسرار يا غفار هديها
وامة محمد وعيسى على طريق الخير اهديها
ونفسا صلت على رسولك من النار نجيها
يا رب
========== رمضان على==========