------عايش فى امان ------ ---'''------'-------
جربت فى مره تعيش فى امان ؟
مش خايف من بكره وقلقان ؟
جربت تحس انك فرحان ؟
وما بين الناس معدود انسان ؟
وتعيش الدنيا بشكل جديد
والصوره جميله وبالالوان ؟
يبقى انت اكيد عايش فى الماضى
او يمكن جاى من اى زمان
-----؛----------
جربت تعيش والبال مرتاح ؟
وبدون تفكير والدنيا براح ؟
واللى اتمنيته ف لحظه لقيته
بسرعه جنيته بدون ال حاح ؟
يبقى انت اكيد من كوكب تانى
الشمس فى ليله كآنه صباح
-----؛؛---------
جربت تنادى بآعلى الصوت ؟
ولا خايف من حد ومكبوت؟

واللى ف قلبك قلته على لسانك
ولا شفت بعينك بعدها موت ؟
وصرخت تقول
انا حقى اقول
واعبر مره واعيش مبسوط
يبقى انت اكيد كنت بتحلم
بطل احلامك وانت تفوت
-؛؛؛؛؛؛؛------------- بقلم/ هشام عبد الجواد مشالي
اهداء الى/ صديقى محمد ابو الحسن