اتكلم عن إيه

****

اتكلم عن إيه ؟
اتكلم عن مين
مش قادر اتكلم
ولساني سجين
مش قادر اتكلم
و القلب حزين
مش قادر اتكلم
وقلوب مجروحه بسكين
مش قادر اتكلم
واهات ... والآم ... وأنين
اتكلم عن إيه ؟
اتكلم عن مين
اتكلم عن نمله
بتتحدي التنّين
اتكلم عن واحد
حاطط في ودانه عجين
اتكلم عن جيل اتجنن
بيحارب دين
اتكلم عن أمه
اختارت عش الثعابين
اتكلم عن امه
بتشرب م الجوره
وبتاكل طين
و لا اتكلم ع الفوضي
اللي بقالها سنين
و لاّ اتكلم
ع الحاضر و الماضي
وصلاح الدين
و لا اتكلم ع الامه المسكينه
و لاّ الغلبانه فلسطين
و لاّ اتكلم .......
عن احلام اتسرقت
والناس نايمين
اتكلم عن أمه
بترضع من لبن الصين
و لا اخوتنا
اللي اذبحوا بإدين خاينين
اتكلم عن إيه ؟
اتكلم عن مين
اتكلم عن عم عليوه المسكين
ومؤامره كبيره
علي ولاده الاتنين
والدار اللي اتباعت
من أجل الدين
والواد مبروك ابن ابوشفه
رهن المقطوره
واتجوز مرتين
و الست الهانم
هربت من جوزها
و تركت ولادين
و لاّ اتكلم ......
عن ست اخوتها
والحلم اللي اتحطم
والقلب حزين
اتكلم .........
عن ست الدار
اللي اتحرمت من نور العين
نسيت فرحتها
و بسمتها
عدّت سنتين
و لا اتكلم ......
عن رميو وجوليت
وبنات حلوين
و لاّ اتكلم
عن عبله وعنتر
وحسن ونعيمه
والست باهيه
وعيون عسليه
والعشق اللي ف قلب ياسين
اتكلم عن إيه
اتكلم عن مين

****
بقلم / طه ابراهيم