(مجلة كل الخواطر) حكاية اول سيجارة ---------بقلم الشاعر \رضا حسب النبى

*** حكاية أول سيجارة ***
ملعون أبوك ياللى أديتنى أول سيجارة
ياريتنى ماكنت عرفتك يخسارة وألف خسارة
كنت فين ياعقلى لما صاحبى رمالى الطعم
ياناس وأصطادنى باالسنارة
ومشيت فى شارع كبير ودخلت ياناس فى حارة
أبتدى المشوار واشتريت علبة وسحبت منها سبجارة
وسيجارة وراها سيجارة وشربت الف سيجارة
ومرة تانيه قولتلو أدينى أشرب سيجارة حشيش
قاللى فلوسك قولتلو خلصت قالى خلاص مافيش
ومديت أيدى وسرقت وكمان قتلت الجارة
عشان خاطر سيجارة يخسارة والف خسارة
وضاعت فلوسى والدنيا بقت مليانة بالغيوم
وشيلت نفسى حمل تقيل ومعاها كتر الهموم
ماانا جسمى بقى مليان مليان بالسموم
وضاع مستقبلى و صحتى وشبابى
وذاد ألمى وآهاتى وتعبى وعذابى
يخسارة والف خسارة الله يسامحك ياللى أديتنى
اول سيجارة
رضا حسب النبى
25/10/2016