(مجلة كل الخواطر) يا زينة البنات ------------------بقلم الشاعر \اسامة شاهين

يازينة البنات 
********
يازينة البنات يانبع الحنان 
أسف أنا على حبى ليكى 
أصلى ماليـــــــــــــــــش 
*************
*****
*
ماليش فى العشق والهوى 
يا جولييت زمانك 
مانيش روميو 
لا ليه ف طلوع الشجر 
ولا حتى ليه 
ف لعب 
السيف 
ياعبله يا ساكنه الفؤاد 
مانيش عنتره بن شداد 
عشان اجيب لك مهرك جمال
انا يادوب على قد الحال 
ياجازيه يا ساكنه العلالى 
مانيش ابو زيد الهلالى 
ولا حتى اطول اكون بيبرس 
فارس الفرسان 
عشان يدخل قلب جنابك
بــــــــدون إســــتئذان
*****************
انا انسان بسيط غلبان 
عاشق صحيح 
وقلبى مركب غرقان 
فى بحرك 
******** يا أيزيس عصرك 
مانيش أوزريس 
ومانيش إبليس ولا حتى خسيس 
ولا حتى ملاك له جناحين 
انا يادوب مخلوق م الطين 
وماأملكش حتى الطين 
ولا حتى مكتوبلى احلم 
احلم بالملاييين 
********** أسف انا 
أسف حبيبتى 
خيبت ظنك أنا 
***************
معلش اعزرينى
انا عقرب مركون جوه الساعه
طواحين الزمن نسفت عمره
خيبت ظنك أنا 
معلش
حقك على أُمــــى
****************
بقلم
اسامه شاهين