(مجلة كل الخواطر) موناليـــــــــــــــــــــزا ------بقلم الشاعر \اسامة شاهين

********من ديوانى ***
سلام ياعــــــــــــــــرب 
******************
((( موناليـــــــــــــــــــــزا )))
*********************
مانيش أديب ومانيش قصاص 
ومانيش شاعر ولا زجـال 
ولا افهم فى بحور الشعـــر 
والأوزاااااااان
************* 
لكينى كتبت للك قـصـيده
ورسمت لك صوره خياليه 
ما يقدر على وصفها فنان
***************** 
(( مــونــاليـزا سيرياليه )) 
وفنون تشكيليه 
******************
كلام أشعار حواديت 
ف صور خياليه 
عمرى ما كنت ف يوم 
رسام ولا فنان 
ولا افهم ف معنى الرسم 
والألــوااااااااااااااااااان
لكينى رسمت لك 
صــــــــــــــــــــــوره 
ما يقدر على رسمها فنان 
بالزيت بالفحم بالجرانيت 
بالفوتووووشوب 
****************
من غير لا ريشه
ولا باليتة ألالوااان 
ونقشت على جدار قلبى 
كما نحات 
دوبت قلبى صبح لون ف ألوانك 
*********************
ياهلتر ى ؟؟؟؟؟؟
تقدرى ترسمينى **؟؟
ولااقولك بلاش ترسمينى 
أكتبيلى صفحه 
أو حتى سطر 
أكتبيلى كلمه 
أو حتى حرف 
أى حرف منك هافهم لغاه 
بس أكتبى 
ما تبخليش على بالكلام
***************
يابنتى اكتبى هو انتى خارسة
طب شاورى بلغة الصم والبُكم 
وانا هفهمك يابنت الحلال 
اكتبى كلمه شخبطى
************
مانيش شحات مستنى صدقه 
ولا عابر سبيل 
انا عاشق ولهان 
دايب ف حبك
يا زينة البنات 
بلاش تكتبيلى
************* 
أصل خلاص
فات أوان الكتابه ع الورق 
حاولى تنقشى أسمى 
ف أخر حروفى 
هتلاقى دايره
مقسومه نصين 
نص أحمر ونص أسود
الأسود رمز فقرى 
وعناد نشفان دماغى 
وحظى اللى عمره ف يوم
ماشاف بيااااااااااااااااض
*******************
والأحمر رمز حبى وصراعى مع الحياه 
ولا اقولك بلاش تكتبى
بلاش تنقشى حتى أسمى 
وفرى الحبر ع الورق
وانسى انسى صورتك
وانسى رسايلى 
وانسى قصايدى 
وشعرى فيكى 
وانسى رسمى 
وانسى كمان أسمى 
وانسى كمان انى قلبى حبك 
انسى انى قولت لك ف يوم 
بحــــــــــــــــــــــــــبك
************بقلم*********
أسامه شاهين