خليك صالب طولك 
وأوعي يهزك ريح
تبت في أرضك
وأمسك في السما
وأوعي يبعترك
ويا السراب وتضيع
الأرض أرضك
وبكرة النوه هتعدي
بس أنت عديها
وما تمسك في أحبالها
تاخدك بعيد
وتخون الوطن وتبيع
دي أرضنا
وأحنا اللي عارفينها
وسكك أبو زيد
والله حافظينها
بس أنت حافظ
ودوس علي اللي خاينينها
تلقي الميزان يتعدل
ناحية مساكنها
دايما بفعل الهوي
تسبقنا أهوائنا
من غير ما نحسب
أيه ممكن يغرقنا
ومهما تكون رافض
ولا مصدقنا
ما في خلاف علي وطن
ممكن يفرقنا