جارى التحميل
استخدم زر ESC أو رجوع للعودة
ده أنا أم الشهيد
ده انا أم الشهيد
ودمي ياريتوه يفيد
ووليدي وفرحتى أصبح شهيد
دمه ع الأرض يصرخ وقلبي لبعده شريد
ده أنا أم الشهيد
واسمه فى قلبي محفور
ولفراقه اكتوى بالنار والحديد
وعمر ضحكته ما غابت عني
وحضنه ليا يوم العيد
كان لي فرحتي
وقلبي عليه شهيد
ده أنا أم الشهيد
إللي سبني لوحدتي
وضحكته معايا بس أيه يفيد
وأنا بين حزني ودمعي وهو بعيد
ده وليدي وعمره ما خان
ولصلاه عند التكبير يسعي وقلبه كان سعيد
ده أنا أم الشهيد
الشاعر عبد الرحيم الهيكي
